OBLASTI PÔSOBNOSTI
KALENDÁR AKCIÍ
KONTAKT
Úrad vlády SR
Námestie slobody 1
813 70 Bratislava
Tel.: +421 2 572 95 318 , 322
Fax: +421 2 524 91 647
E-mail: vicepremier@vlada.gov.sk
Kontakt pre médiá:
+421 2 57295 241
Mobil: +421 907 819 484
Námestie slobody 1
813 70 Bratislava
Tel.: +421 2 572 95 318 , 322
Fax: +421 2 524 91 647
E-mail: vicepremier@vlada.gov.sk
Kontakt pre médiá:
+421 2 57295 241
Mobil: +421 907 819 484
Выголошіня Р. Хмела к Списованю людей 2011
Выголошіня підпредседы влады Словацькой републікы
про людьскы права і народностны меншыны Рудолфа Хмела
к Списованю людей, домів і бітів 2011:
Сучасна Словацька републіка є з етнітного аспекту найпестрішов країнов середнёй Европы. На тот факт ся позераме як на збогачіня соціалного капіталу цїлой сполочности. В роцї 2011 ся Словацька републіка находить на достаточно высокім ступню демократічного розвоя, жебы тоту природну многоетнічность акцептовала і формовала лоялность у своїх жытелїв таксамо посередництвом підпоры їх ідентіфікації ся з народностныма і іншыма меншынами.
Наслїдуюче списованя людей, окрем іншого, змапує тыж етнічный образ нашой сполочности, єй языкову і іншу розмаїтость. Мултіетнічность розумиме як выгоду про нашу країну, а не як здрой єй огрожіня. Од людей, якы належать к меншынам чекаєме, же при уводжованю штатістічных інформацій будуть серьёзно приступати нелем к інформаціям економічного і соціалного характеру, але не забудуть тыж приголосити ся к своїй народностній громадї, з якой выходить їх ідентіта, або з културов котрой ся чують быти звязаны. Окреме вызначнов буде тота самоідентіфікація про жытелїв, котрых етнічна ідентіта в розуміню майоріты ся вяже з неґатівныма стереотіпами.
Словацька републіка 21. стороча не може быти побудована на історічных травмах ани на ставляню мурів. Є то суверенный штат вшыткых жытелїв, якый решпектує плураліту і слободу прояву, а одмітать елімінованя на основі народности, расы, конфесії або інакшости. Влада Словацькой републікы хоче быти ґарантом такого демократічного розвоя, котрый буде ґарантовати каждому жытелёви слободну волю в основных рїшінях, детермінуючіх ёго достойный жывот.